News & Events

Tá Gradaim Aitheantais bronnta ag Ollscoil na Gaillimhe ar scoláirí ar éirigh leo pas le gradam a bhaint amach i scrúduithe ardleibhéil Gaeilge na Sraithe Sóisearaí D’fhreastail breis agus 160 scoláire as 46 scoil i gCo. Dhún na nGall, Co. an Chláir, Co. Mhaigh Eo, Co. Liatroma, Co. Shligigh, Co. Ros Comáin agus Co. na Gaillimhe ar ócáid speisialta a reáchtáladh ar champas na hOllscoile chun ceiliúradh a dhéanamh ar na héachtaí a bhain na scoláirí meánscoile seo amach.  Áirítear na scoláirí seo i measc an 3.3% de scoláirí na tíre ar éirigh leo pas le gradam a bhaint amach sa pháipéar ardleibhéil T2 Gaeilge go náisiúnta, nó an 3.8% de na scoláirí a bhain pas le gradam amach sa pháipéar ardleibhéil T1 Gaeilge sa tSraith Shóisearach in 2024, agus idir 90% agus 100% bainte amach acu.             Dúirt Uachtarán Eatramhach Ollscoil na Gaillimhe, an tOllamh Peter McHugh: “Tá muid an-bhródúil as an nGaeilge anseo in Ollscoil na Gaillimhe agus tá an-áthas orainn fáilte a chur roimh na scoláirí eisceachtúla seo, a bhain sárthorthaí amach sna scrúduithe Gaeilge sa tSraith Shóisearach anuraidh, agus na gradaim seo a bhronnadh orthu inniu.  Is údar bróid dúinne é go bhfuil ar ár gcumas an moladh agus an t-aitheantas atá tuillte acu a thabhairt dóibh, agus a gcuid éachtaí a cheiliúradh ag an ócáid speisialta seo.  Ba mhaith liom aitheantas a thabhairt dá dtuismitheoirí, múinteoirí agus príomhoidí freisin agus buíochas a ghlacadh leo as an méid tacaíochta agus spreagadh a thugann siad do na scoláirí sa mbaile agus sna seomraí ranga.”     Aithnítear an tábhacht a bhaineann lena chinntiú go mbeidh pobail bhisiúla Ghaeilge sa Ghaeltacht agus taobh amuigh den Ghaeltacht i gcéad straitéis Ghaeilge na hOllscoile, Straitéis na Gaeilge 2021-2025, a seoladh i mí Iúil 2021.  Tugadh aitheantas do na pobail sin ag an ócáid cheiliúrtha seo trí bliana as a chéile agus an Ollscoil ag déanamh cúraim don ról a chuir sí roimpi sa Straitéis, ó thaobh ceannasaíocht a thabhairt don ardoideachas i nGaeilge agus meas a léiriú ar lucht labhartha na Gaeilge. Críoch

Tá buaiteoirí Ghradaim Alumni 2025 fógartha ag Ollscoil na Gaillimhe. Tá ochtar le haitheantas a fháil ag oíche mhór na ngradam Dé hAoine, an 23 Bealtaine 2025. Déanann Gradaim Alumni ceiliúradh ar dhaoine eisceachtúla as 133,000 alumnus na hOllscoile trí aitheantas a thabhairt dá n-éachtaí suntasacha i réimsí éagsúla, idir áitiúil, náisiúnta agus idirnáisiúnta.   Seo a leanas na daoine a mbronnfaidh Ollscoil na Gaillimhe gradam alumni orthu in 2025:   Gradam Alumni do na Dána, an Litríocht agus an Léann Ceilteach Deirdre Sullivan, úrscéalaí a bhfuil gradaim buaite aici Gradam Alumni don Ghnó agus an Tráchtáil - urraithe ag Banc na hÉireann  Anne O’Riordan, Iar-Stiúrthóir an Ghrúpa Dhigitigh ag Jardine Matheson Limited Gradam Alumni don Ghaeilge Rónán Ó Domhnaill, An Coimisinéir um Fhorbairt na Meán, Coimisiún na Meán Gradam Alumni don Dlí, an Beartas Poiblí agus an tSochaí - urraithe ag RDJ Geoffrey Shannon, Breitheamh na Cúirte Cuarda Gradam Alumni don Innealtóireacht, an Eolaíocht agus an Teicneolaíocht  An Dr Fiona Grant, Ceannaire na gClár Idirnáisiúnta in Foras na Mara Gradam Alumni don Leigheas, an tAltranas agus na hEolaíochtaí Sláinte - urraithe ag Medtronic  An Dr Elizabeth Whalen, Stiúrthóir Leighis na hOifige Sláinte Poiblí do Stát Nua-Eabhrac Gradam Alumni don Rannpháirtíocht sa Spórt  Kevin Dinneen, Cathaoirleach Rugbaí Tríú Leibhéal agus Bhord Achomharc an IRFU  Gradam Alumni do Cheannairí Nua An Dr Ríona Ní Ghriallais, comhbhunaitheoir ProVerum               Dúirt Uachtarán Eatramhach Ollscoil na Gaillimhe, an tOllamh Peter McHugh: “Is mór an phribhléid é ómós a léiriú d’éachtaí na n-ochtar iontach seo a rinne sárobair ina réimsí féin sa bhaile agus i gcéin. Tá tionchar mór ag gach duine acu ar a mbealach féin agus tá súil agam go mbeidh a gcuid éachtaí ina n-eiseamláir dár mic léinn reatha agus dár gcéimithe. Táim ag tnúth le fáilte a chur rompu ar ais chuig a n-alma mater i mí Bealtaine.”   Bhí an méid seo le rá ag an Ollamh Becky Whay, Uachtarán Ionaid agus Meabhránaí Ollscoil na Gaillimhe: “Is deis iontach iad na Gradaim Alumni agus an oíche mhór ar an gcampas le haitheantas a thabhairt do chéimithe Ollscoil na Gaillimhe agus ár mic léinn reatha a spreagadh trí bhealaí éagsúla a raibh tionchar ag na céimithe ar an domhan a thaispeáint dóibh. Gan buaiteoirí na bliana seo san áireamh fuair 113 duine ó gach cineál cúlra an gradam go dtí seo. Daoine iad seo a raibh lámh againne ina gcuid oideachais agus, a raibh sé de phribhléid againn aitheantas a thabhairt dóibh agus iad a cheiliúradh as a gcuid éachtaí iontacha ó cuireadh tús leis na gradaim sa bhliain 2000.”   Chun ticéad a chur in áirithe téigh chuig https://www.universityofgalway.ie/alumni/alumniawards/ nó déan teagmháil le Colm O’Dwyer ag 091 494310.   Críoch

University of Galway has announced the winners of our 2025 Alumni Awards. Eight recipients are to be recognised at a gala awards night on Friday May 23, 2025. The University’s Alumni Awards celebrate outstanding individuals among the 133,000 alumni, recognising their remarkable accomplishments across various fields on a local, national and international level.   The winners of the 2025 University of Galway Alumni Awards are:   Alumni Award for Arts, Literature and Celtic Studies Deirdre Sullivan, award winning novelist Alumni Award for Business and Commerce - Sponsored by Bank of Ireland Anne O’Riordan, former Group Director of Digital at Jardine Matheson Limited Gradam Alumni don Ghaeilge Rónán Ó Domhnaill, Media Development Commissioner, Coimisiún na Meán Alumni Award for Law, Public Policy and Society – Sponsored by RDJ Geoffrey Shannon, Circuit Court Judge Alumni Award for Engineering, Science and Technology  Dr Fiona Grant, Head of International Programmes at the Marine Institute Alumni Award for Medicine, Nursing and Health Sciences – Sponsored by Medtronic Dr Elizabeth Whalen, Medical Director of the Office for Public Health for the State of New York Alumni Award for Contribution to Sport  Kevin Dinneen, Chair of Third Level Rugby and the IRFU Appeals Board  Alumni Award for Emerging Leaders Dr Ríona Ní Ghriallais, co-founder of ProVerum             Professor Peter McHugh, Interim President of University of Galway, said: “It is a privilege to honour the accomplishments of these eight remarkable individuals who have made outstanding contributions in their respective fields at home and abroad. Each one of them are making a great impact in their own way and I hope their achievements serve as an inspiration to our current students and our graduates. I look forward to welcoming them back to their alma mater in May.”   Professor Becky Whay, Interim Deputy President and Registrar at University of Galway, said: “Our Alumni Awards and our awards night on campus are a wonderful opportunity to recognise University of Galway graduates and to inspire our current students by showcasing some of the many different ways their predecessors have made a positive mark on the World. This year’s winners join an impressive roll call of 113 people from all walks of life who we have had the pleasure of helping to educate and, importantly, the pleasure of recognising and celebrating for their outstanding achievements since the awards began in the year 2000.” For online reservations, visit https://www.universityofgalway.ie/alumni/alumniawards/ or contact Colm O’Dwyer at 091 494310. Ends