February Ceardlann Amhránaíochta ar an Sean-Nós ar líne ag OÉ Gaillimh

Cuirfear tús le sraith de cheardlanna amhránaíochta fiorúil ar an sean-nós le Saileog Ní Cheannabháin, atá ceaptha mar Amhránaí Cónaitheach ag OÉ Gaillimh, 2021. Beidh na ceardlanna a reachtáil gach Céadaoin ag a 7pm ar an 17 agus 24 Feabhra, agus 3, 10 agus 24.

Is cainteoir Gaeilge ó dhúchas í Saileog a tógadh le Gaeilge i mBaile Átha Cliath. Is as Aill na Brón a hathair, an t-amhránaí clúiteach Peadar Ó Ceannabháin, agus is é Peadar an chéad fhonnadóir a chuaigh i bhfeidhm go mór uirthi. Chaith Saileog roinnt mhaith ama ó bhí sí an-óg ag éisteacht le fonnadóirí as Iorras Aithneach agus tá Seán 'ac Dhonncha, Sorcha Ní Ghuairim, Dara Bán Mac Donncha agus Seáin Jeaic 'ac Dhonncha i measc na bhfonnadóirí is mó a chuaigh i bhfeidhm uirthí. Tá dhá album eisithe ag Saileog I bhfíor-dheiriú oidhche, cnuasach amhrán a bhailigh Séamus Ennis in Iorras Aithneach sna 1940idí, agus Roithleán.

Tá na ceardlanna saor in aisce ar Zoom agus beidh fáilte roimh chách. Beidh an nasc Zoom ar fáil anseo: https://bit.ly/2O7geu3. Tá tuilleadh eolais le fáil ag www.facebook.com/NUIGalwayCentreforIrishStudies.

Tuilleadh eolais ó Samantha Williams ag 091-512428 nó samantha.williams@nuigalway.ie

Is iad Ealaín na Gaeltachta, Údarás na Gaeltachta, An Chomhairle Ealaíon agus Ionad Léann na hÉireann, OÉ Gaillimh, a mhaoiníonn an tionscnamh seo.

-Ends-