Our Distinctive Place

Is áit faoi leith í seo

University of Galway

Our university is shaped by the unique city and region we call home. And it is sustained by the people who live, study, work and create here. This gives our university our sense of purpose.

In the coming years, we will draw on the distinctive strengths of our people and place, delivering research and education with international impact. That is our unique role as a globally connected, research-intensive university in Galway. We are at the heart of a vibrant city in a bilingual coastal region like no other – enriched by diverse natural environments, a renowned creative sector and innovative industries.

Our university is of Galway. And, from this unique place, our impact is global.

Creative Galway

Galway is known worldwide as a hub of culture and creativity. Enriched by the Irish language, heritage and traditions, Galway’s creative sector is globally connected, empowered by contemporary creative practice and innovative technologies.

Our University is at the heart of this activity. We drive excellence and innovation not only through our creative arts research and programmes but also by embedding creativity across the curriculum. Working with Galway’s arts organisations and festivals – many of which have grown out of our university community – we welcome tens of thousands of visitors to arts events on campus each year, and we preserve important works for future generations by managing one of the most extensive archives of Irish culture in the world. Our enduring partnerships with the Galway International Arts Festival and the Druid Theatre enable close collaboration on research and student engagement in the creative arts. Our University is a world leader in exploring the links between creativity, teaching, research, and the wider world.

Innovative Galway

Galway is a city of innovation where research, data and technology are applied in impactful ways to the health, sustainability and creative sectors.

It is home to international and indigenous enterprise in technology, software, cybersecurity and gaming, and it has a thriving start-up culture.

As one of six global hubs for medical technologies, Galway is a leader in health innovation. Nine of the world’s top ten medtech companies are located here and we have a proud tradition of developing and scaling indigenous enterprises in health innovation. The University’s signature innovation partnership with Medtronic is advancing healthcare through collaborative research and expanded STEM programmes.

Our university is deeply embedded in Galway’s innovation ecosystem, with collaboration across our research community, clinical colleagues, data scientists, and industry partners, both international and indigenous. Since 2020, 21 new spin-out companies have emerged from the University and we have helped identify 199 new inventions to feed our innovation pipeline. On-campus Innovation Centres have now supported over 100 startups that have gone on to raise €796m in grants and investments – creating 3,365 jobs.

Sustainable Galway

The West of Ireland has an extraordinary diversity of landscapes and seascapes, including extensive lake and river systems, peatland and karst ecosystems, and the Atlantic ocean with its rich marine environments. Our mix of urban, dispersed rural, coastal and island communities are distinctive locations to carry out engaged research on societal challenges.

This unique natural environment, and the resourceful communities that live here, are our living lab for globally relevant teaching and research in areas that impact our shared planet, like marine ecology and economics, climate change, land use and biodiversity, renewable energy, sustainable communities, the green economy and innovations in construction.

As Ireland’s only Hydrogen Valley, Galway is pioneering innovation in renewable energy and decarbonisation. Our atmospheric research station at Mace Head is an international supersite for data on air quality and climate, and ICHEC, our national centre for high-performance computing, advances earth observation and environmental modelling.

In recognition of this work, Times Higher Education ranks us first in Ireland and in the top 50 worldwide for our impact on the UN’s Sustainable Development Goals.

Bilingual Galway

West Galway is home to the highest concentration of Irish speakers in the world and ours is the only Irish city and university with bilingual status. The Irish language, and its celebrated oral, musical and literary culture, is a unique strength of this place.

Our university community draws inspiration and distinction from the Gaeltacht communities we serve across the west and northwest of Ireland. We take pride in our role in leading higher education and research in the Irish language, and in our rich Irish language archives, all of which enhances our university experience.

Our centres in An Cheathrú Rua and Carna in Co. Galway and Gaoth Dobhair in Co. Donegal support the academic, cultural and economic development of Ireland’s two largest Gaeltacht regions. We will continue to expand opportunities for researchers and learners to engage directly with our unique Gaeltacht communities.

Global Galway

Galway is Ireland’s most diverse city. With over a quarter of residents born outside of Ireland, it is a multilingual and creative city that looks outwards. As an international tourism, education and business destination, we welcome visitors and talent from across the globe.

Our university plays a unique role in connecting Galway to the world. Around 20% of our staff and students come here from overseas, enriching life on campus and in our city and region. With over 135,000 graduates worldwide, we are proud of the impact our alumni make around the world.

Our research has global impact, shaping knowledge, innovation and policy internationally, and our academic community is collaborating with over 5,000 institutions across 178 countries.

Our conferences attract thousands of delegates to Galway each year, and our study abroad, exchange and summer school programmes give international participants the opportunity to experience and engage with our distinctive place.

We continue to expand physical and virtual mobility opportunities for our students and staff through global partnerships and we are deepening our engagement with ENLIGHT, our alliance of ten European universities. Our strategic partnership with Deloitte is one example of how we are bridging the gap between academia and industry to support our students’ global mobility.

Looking ahead…

We will deepen collaboration with partners locally and nationally over the coming years, and strengthen our international networks, to further grow Galway’s reputation and impact as a creative, bilingual, sustainable, innovative and global hub.

Our Dynamic Region

Our staff and students benefit hugely from the West of Ireland’s distinctive natural, social and cultural landscape. In turn, our university is a catalyst for progress, driving innovation, prosperity and wellbeing across the region and beyond. From Shannon College in Co. Clare to our teaching centres in Donegal, we are a global university rooted in a dynamic region along the Atlantic coast of Ireland.

Enterprise & regional development: As the largest research organisation in the West of Ireland, and with over 6,500 highly skilled graduates emerging from our programmes each year, our university is a key driver of economic development and competitiveness for our region’s knowledge economy. The University will continue to drive social progress, prosperity and high value employment in partnership with development agencies across the West of Ireland. Over the coming years, our signature partnership with Údarás na Gaeltachta will advance innovation and community development across the region in line with our research strengths.
Our region’s health: As the largest medical and nursing schools in the West of Ireland, our university plays a crucial role in advancing healthcare and wellbeing across the region. Our research is uniquely embedded within the hospital system, our programmes produce highly skilled professionals that sustain our healthcare system, and patients benefit directly from our clinical trials, healthcare innovations and policy development. In the coming years, the University will establish a new School of Pharmacy and Medical Sciences in Galway and pioneer a new Rural and Remote Graduate Medicine programme. Significantly, we will work with regional partners to drive smart specialisation and innovation in Digital Health to improve future healthcare.
Smart, skilled region: The West of Ireland is supported by a dynamic further and higher education sector dispersed across the region, which is critical to the ongoing social and economic development of our communities. We will leverage our university’s strengths in data science and high-performance computing to support the region’s digital transformation. We will collaborate with industry to develop short and flexible enterprise-focused programmes rooted in our distinctive research areas to upskill our pool of talented people. We will continue to work with counterparts across the regional tertiary system, in the local Education and Training Boards and the Technological University sector, to deliver on national priorities.
Europe’s Atlantic edge: Our region spans Ireland’s western and northwestern Atlantic seaboard, and includes an extraordinary diversity of marine environments and coastal and island communities. Onshore, inshore and deep ocean research are enabled through marine research infrastructure and collaboration across the region. Our research and innovation in aquaculture, renewable energy and marine economics contributes to regional development and advances the transition to a more sustainable future for all. We will continue to advance global understanding of the ocean’s impact on our climate, planet and health, its ecology and resources. In doing so, we will collaborate on international Atlantic ocean research expeditions with the Galway-based Marine Institute, Ireland’s agency for marine research and innovation, to address regional, national and European priorities.

***

Ollscoil na Gaillimhe

Is cuid den chathair agus den réigiún máguaird an Ollscoil seo agus tá a shliocht sin uirthi. Is iad na daoine atá ina gcónaí, ag obair agus i mbun cruthaitheachta inti a choimeádann ag imeacht í. Is as sin a thagann aidhm shoiléir na hOllscoile.

Sna blianta atá le teacht, bainfimid leas as buanna an phobail agus na háite, ag cur taighde agus oideachais ar fáil a rachaidh i gcion ar phobal idirnáisiúnta. Sin é an ról uathúil atá againn mar ollscoil diantaighde a bhfuil naisc againn ar fud an domhain. Táimid suite i gcroílár na cathrach, cathair bheo bhríomhar ar an gcósta, cathair dhátheangach nach bhfuil a sárú le fáil, saibhrithe ag an timpeallacht nádúrtha, ag earnáil chruthaitheach ealaíne a bhfuil a cáil scaipthe fud fad na cruinne agus ag tionscail nuálaíocha.

Ollscoil a bhfuil Gaillimh go smior inti. Agus ón áit uathúil seo, tá tionchar i bhfad is i ngearr againn.

Gaillimh Chruthaitheach

Tá cáil ar Ghaillimh ar fud an domhain mar lárionad cultúir agus cruthaitheachta. Saibhrithe ag an nGaeilge, ag oidhreacht agus ag traidisiúin na hÉireann, tá naisc ag earnáil ealaíon na Gaillimhe ar fud an domhain mhóir, de bharr cleachtas cruthaitheach comhaimseartha agus teicneolaíochtaí nuálacha.

Tá an Ollscoil i gcroílár an aicsin seo. Cuirtear barr feabhais agus nuálaíocht chun cinn ní hamháin trí thaighde agus cláir sna healaíona cruthaitheacha ach trí chruthaitheacht sna curaclaim chomh maith. Ag obair le heagraíochtaí agus le féilte ealaíon na Gaillimhe – ar eascair cuid mhór díobh as pobal na hollscoile – fáiltímid roimh na mílte cuairteoirí chuig imeachtaí ealaíon ar an gcampas gach bliain, agus táimid ag caomhnú saothair thábhachtacha do na glúnta atá le teacht trí cheann de na cartlanna is fairsinge de chultúr na hÉireann ar domhan a bhainistiú. De bharr ár gcomhpháirtíochtaí le fada an lá le Féile Ealaíon Idirnáisiúnta na Gaillimhe agus le hAmharclann an Druid tá comhoibriú láidir againn ó thaobh taighde agus rannpháirtíocht na mac léinn de sna healaíona cruthaitheacha. Is ceannaire domhanda í an Ollscoil ag iniúchadh na nasc idir an chruthaitheacht, an teagasc, an taighde agus an domhan mór.

Gaillimh Nuálaíoch

Cathair nuálaíochta í Gaillimh ina n-úsáidtear taighde, sonraí agus teicneolaíocht le dul i bhfeidhm ar earnáil na sláinte, na hinbhuanaitheachta agus na cruthaitheachta. Tá an fhiontraíocht idirnáisiúnta agus dhúchasach sa teicneolaíocht, agus i mbogearraí, cibearshlandáil agus cluichíocht beo beathach i nGaillimh.

Mar cheann de shé mhol dhomhanda do theicneolaíochtaí leighis, tá Gaillimh chun tosaigh ó thaobh na nuálaíochta sláinte de. Tá naoi gcinn de na deich gcuideachta teicneolaíochta leighis is fearr ar domhan anseo agus tá traidisiún láidir againn maidir le fiontair dhúchasacha nuálaíochta sláinte a fhorbairt agus a mhéadú. Tá mórchomhpháirtíocht nuálaíochta na hOllscoile le Medtronic ag cur cúram sláinte chun cinn trí thaighde comhoibríoch agus trí fhorbairt a dhéanamh ar chláir STEM.

Tá an ollscoil fite fuaite in éiceachóras nuálaíochta na Gaillimhe, agus tá sí ag obair i gcomhpháirt leis an bpobal taighde, le comhghleacaithe cliniciúla, le heolaithe sonraí, agus le comhpháirtithe tionscail, idir idirnáisiúnta agus náisiúnta. Ó 2020, tá 21 seach-chuideachta nua bunaithe san Ollscoil agus tá 199 fionnachtain nua aimsithe rud a chothóidh an sruth nuálaíochta. Chuidigh na hIonaid Nuálaíochta ar an gcampas le bunú breis is 100 gnólacht nuathionscanta a bhfuil €796m saothraithe acu idir dheontais agus infheistíochtaí – agus a bhfuil 3,365 post cruthaithe acu.

Gaillimh Inbhuanaithe

Tá éagsúlacht iontach de thírdhreacha agus muirdhreacha ar leac an dorais againn, lena n-áirítear córais fhairsinge lochanna agus aibhneacha, éiceachórais tailte portaigh agus boirne, agus an tAigéan Atlantach atá lán le beathra muirí. Is suíomhanna sainiúla an meascán de phobail uirbeacha, scaipthe tuaithe, chósta agus oileánda atá againn a chuireann ar ár gcumas taighde gníomhach a dhéanamh ar dhúshláin sa tsochaí.

Is í an timpeallacht nádúrtha uathúil seo, agus na pobail sheiftiúla atá ina gcónaí anseo, ár saotharlann bheo le haghaidh teagaisc agus taighde a bhfuil tábhacht domhanda leo i réimsí a bhfuil tionchar acu ar ár bpláinéad comhroinnte, amhail éiceolaíocht agus eacnamaíocht na mara, athrú aeráide, úsáid talún agus bithéagsúlacht, fuinneamh in-athnuaite, pobail inbhuanaithe, an geilleagar glas agus nuálaíochtaí i dtionscal na tógála.

Tá Gaillimh i nGleann Hidrigine na hÉireann agus í ag cur nuálaíochta chun cinn i bhfuinneamh in-athnuaite agus i ndícharbónú. Is scothshuíomh idirnáisiúnta é ár stáisiún taighde atmaisféir i gCeann Mhása le haghaidh sonraí ar chaighdeán an aeir agus na haeráide, agus cuireann Ionad Ríomhaireachta Ardleibhéil na hÉireann (ICHEC), faire na cruinne agus samhaltú comhshaoil chun cinn.

Mar aitheantas ar an obair seo, táimid rangaithe sa chéad áit in Éirinn ag Times Higher Education agus i measc an 50 ollscoil is fearr ar fud an domhain maidir lenár dtionchar ar Spriocanna Forbartha Inbhuanaithe na Náisiún Aontaithe.

Gaillimh Dhátheangach

Is in Iarthar an Chontae atá an líon is airde cainteoirí Gaeilge ar domhan agus is í an chathair seo agus an ollscoil seo an t-aon chathair agus an t-aon ollscoil in Éirinn a bhfuil stádas dátheangach acu. Bua ar leith de chuid na háite seo an Ghaeilge, agus tá cáil i bhfad is i ngearr ar a traidisiún béil, a traidisiún ceoil agus ar a traidisiún liteartha.

Tarraingíonn pobal na hollscoile inspioráid agus sainiúlacht ó na pobail Ghaeltachta ar a bhfreastalaímid in iarthar agus in iarthuaisceart na hÉireann. Táimid bródúil as an ról atá againn mar cheannródaithe maidir le hardoideachas agus taighde sa Ghaeilge, agus as ár gcartlanna fairsinge Gaeilge, a dhéanann saibhriú ar an eispéireas ollscoile a chuirimid ar fáil.

Tacaítear sna hionaid atá againn ar an gCeathrú Rua agus i gCarna i gCo. na Gaillimhe agus i nGaoth Dobhair i gCo. Dhún na nGall le forbairt acadúil, chultúrtha agus eacnamaíoch an dá cheantar Gaeltachta is mó sa tír. Leanfaimid ag cur leis na deiseanna atá ar fáil do thaighdeoirí agus d’fhoghlaimeoirí teagmháil dhíreach a bheith acu le pobail na Gaeltachta ar pobail ar leith iad.

Gaillimh Idirnáisiúnta

Is í Gaillimh an chathair is éagsúla in Éirinn. Rugadh breis is ceathrú de dhaonra na cathrach lasmuigh d’Éirinn agus, dá bhrí sin, is cathair ilteangach chruthaitheach í a bhfuil dearcadh oscailte domhanda aici. Mar cheann scríbe turasóireachta, oideachais agus gnó idirnáisiúnta, fáiltímid roimh chuairteoirí agus roimh dhaoine cumasacha ó cheann ceann na cruinne.

Tá ról ar leith ag an ollscoil maidir le Gaillimh a nascadh leis an domhan mór. Tháinig timpeall 20% den fhoireann agus de na mic léinn anseo ó thar lear, rud a chuireann le saol an champais, na cathrach agus an réigiúin. Tá breis agus 135 céimí dár gcuid ar fud na cruinne, agus táimid bródúil as an tionchar a bhíonn ag an alumni ar an domhan trí chéile.

Tá tionchar domhanda ag ár dtaighde, ag cur le heolas, nuálaíocht agus polasaithe, go hidirnáisiúnta, agus tá comhoibriú ar bun ag ár bpobal acadúil le níos mó ná 5,000 institiúid i 178 tír.

Tagann na mílte toscairí go Gaillimh gach bliain le freastal ar chomhdhálacha, agus tugann ár gcláir staidéir thar lear, cláir mhalartaithe agus scoileanna samhraidh deis do rannpháirtithe idirnáisiúnta taithí a fháil ar an áit ar leith seo ina bhfuilimid lonnaithe agus dul i ngleic léi.

Bímid i gcónaí ag cur le deiseanna taistil fhisiciúil agus fhíorúil do na mic léinn agus don fhoireann trí chomhpháirtíochtaí domhanda agus táimid ag treisiú ár rannpháirtíochta le ENLIGHT, comhghuaillíocht de dheich n-ollscoil Eorpacha. Sampla amháin is ea ár gcomhpháirtíocht straitéiseach le Deloitte den chaoi a bhfuilimid ag líonadh na bearna idir an saol acadúil agus an tionscal chun blaiseadh den saol thar lear a thabhairt dár gcuid mac léinn.

Ag féachaint chun cinn...

Beimid ag comhoibriú le comhpháirtithe áitiúla agus náisiúnta sna blianta beaga atá le teacht, agus cuirfimid lenár líonraí idirnáisiúnta, chun cáil agus tionchar na Gaillimhe a mhéadú tuilleadh mar mhol cruthaitheach, dátheangach, inbhuanaithe, nuálaíoch agus domhanda.

Ár Réigiún Fuinniúil

Baineann an fhoireann agus na mic léinn an-tairbhe as tírdhreach nádúrtha, sóisialta agus cultúir sainiúil Iarthar na hÉireann. Os a choinne sin, cuirtear borradh faoin bhforás san Ollscoil, agus spreagtar an nuálaíocht, an rathúnas agus an fholláine sa réigiún agus níos faide i gcéin. Ó Choláiste na Sionna i gCo. an Chláir go dtí na hionaid teagaisc i nDún na nGall, is ollscoil idirnáisiúnta í seo atá fréamhaithe i réigiún fuinniúil ar chósta an Atlantaigh.

Fiontraíocht & forbairt réigiúnach: Is í an Ollscoil seo an eagraíocht taighde is mó in Iarthar na hÉireann, agus baineann breis is 6,500 mac léinn céim amach ar ár gcláir gach bliain. Is í is mó a ghineann forbairt eacnamaíoch agus iomaíochas i ngeilleagar eolasbhunaithe an réigiúin. Leanfaidh an Ollscoil ag spreagadh dul chun cinn sóisialta, rathúnais agus fostaíocht ardluacha i gcomhpháirtíocht le gníomhaireachtaí forbartha in Iarthar na hÉireann. Sna blianta atá le teacht, cuirfidh ár gcomhpháirtíocht le hÚdarás na Gaeltachta nuálaíocht agus forbairt pobail chun cinn sa taobh seo tíre – ag teacht lenár láidreachtaí taighde.
Sláinte an réigiúin: Tá na scoileanna leighis agus altranais is mó in Iarthar na hÉireann san Ollscoil. Tá ról ríthábhachtach ag an Ollscoil maidir le cúram sláinte agus folláine a chur chun cinn sa réigiún. Ní hionann agus aon áit eile, tá ár dtaighde leabaithe i gcóras an ospidéil. Tagann daoine gairmiúla ardoilte as na cláir a chinntíonn go bhfuil ár gcóras cúraim sláinte ag feidhmiú i gceart, agus baineann othair leas díreach as ár dtrialacha cliniciúla, nuálaíochtaí cúraim sláinte agus forbairt polasaí. Sna blianta amach romhainn, bunóidh an Ollscoil Scoil nua Cógaisíochta agus Eolaíochtaí Leighis i nGaillimh agus cuirfear clár ceannródaíoch nua Iarchéime sa Leigheas Tuaithe agus Iargúlta chun cinn. Oibreoimid le comhpháirtithe réigiúnacha chun speisialtóireacht chliste agus nuálaíocht sa tSláinte Dhigiteach a spreagadh le cúram sláinte amach anseo a fheabhsú.
Réigiún cliste, oilte: Tá sé d’ádh orainn in Iarthar na hÉireann go bhfuil earnáil fhuinniúil bhreisoideachais agus ardoideachais againn, a bhfuil forbairt leanúnach shóisialta agus eacnamaíoch ár bpobal ag brath uirthi. Bainfimid leas as láidreachtaí na hOllscoile san eolaíocht sonraí agus sa ríomhaireacht ardfheidhmíochta chun tacú le claochlú digiteach an réigiúin. Oibreoimid i gcomhar leis an tionscal chun cláir ghearra, sholúbtha atá dírithe ar an bhfiontraíocht a fhorbairt, cláir atá fréamhaithe inár réimsí taighde sainiúil chun cur le scileanna na ndaoine cumasacha atá againn. Leanfaimid orainn ag obair lenár leathbhádóirí sa chóras tríú leibhéal sa taobh seo tíre, sna Boird Oideachais agus Oiliúna áitiúla agus in earnáil na nOllscoileanna Teicneolaíochta, chun tosaíochtaí náisiúnta a bhaint amach.
Imeall Atlantach na hEorpa: Tá an réigiún seo scaipthe thar imeallbhord thiar agus thiar thuaidh an Atlantaigh, agus is ábhar iontais an éagsúlacht atá ag baint leis an mbeathra mara atá ann agus leis na pobail chósta agus oileán. Déantar éascaíocht ar thaighde ar an tír, cois cladaigh agus domhainfharraige a dhéanamh trí infreastruchtúr taighde mara agus trí chomhoibriú ar fud an réigiúin. Cuireann ár dtaighde agus nuálaíocht san uisceshaothrú, san fhuinneamh in-athnuaite agus san eacnamaíocht mhuirí le forbairt réigiúnach agus cuireann sé chun cinn an t-aistriú chuig todhchaí níos inbhuanaithe do chách. Leanfaimid orainn ag cur le tuiscint an domhain ar thionchar an aigéin ar ár n-aeráid, ár bpláinéad agus ár sláinte, agus ar éiceolaíocht agus acmhainní an aigéin. Ar an gcaoi sin, oibreoimid i gcomhar le Foras na Mara i nGaillimh, gníomhaireacht taighde agus nuálaíochta muirí na hÉireann, ar thurais taiscéalaíochta taighde idirnáisiúnta san Aigéan Atlantach chun aghaidh a thabhairt ar thosaíochtaí réigiúnacha, náisiúnta agus Eorpacha.