Jump to Content

MFA Leagan Gaeilge

A `Chara`,

Fáilte chuig Ollscoil na Gaillimhe! Welcome to University of Galway!

Tá ríméad orainn gur ghlac tú leis an tairiscint a fuair tú le teacht ag staidéar anseo agus is fada linn go gcasfaimid leat! Tugtar eolas duit sa ríomhphost seo faoin gcéad rud eile atá le déanamh agat, is é sin do Chuntas Campais a ghníomhachtú.

An image of a 3 step process

Is trí do Chuntas Campais ollscoile a gheobhaidh tú rochtain ar gach seirbhís IT, cosúil leis an gcóras ríomhphoist, Microsoft 365, WiFi agus seirbhísí leabharlainne ar líne. Ní mór duit do Chuntas Campais Ollscoil na Gaillimhe a ghníomhachtú sula bhféadfaidh tú clárú ar do chúrsa.

Níl ach dhá chéim shimplí le tabhairt agat chun do Chuntas Campais Ollscoil na Gaillimhe a ghníomhachtú.

An image of a mobile phone and an icon depicting a password change

Is beart slándála é Fíordheimhniú Ilfhachtóra (MFA) a chinntíonn nach mbeidh fáil ag aon úsáideoir ar do Chuntas Campais Ollscoil na Gaillimhe ach amháin tú féin. Beidh an dara fachtóir ag teastáil uait (e.g. d’fhón póca) chun fíorú breise a sholáthar agus tú ag logáil isteach.

Tá treoir mhionsonraithe faoin gcaoi MFA a chur ag obair ar fáil ar an leathanach gréasáin seo.

Cliceáil anseo chun MFA a ghníomhachtú leis na dintiúir thíos

Ainm Úsáideora: Féach ar an ríomhphost bunaidh.

Pasfhocal: Féach ar an ríomhphost bunaidh chun do phasfhocal uathúil a fháil.

Má tá céim 1 déanta agat tá tú réidh le tabhairt faoi chéim 2. Socraigh pasfhocal daingean nua nach bhfuil ar eolas ag aon duine ach agat féin.

Ní mór do do phasfhocal cloí leis an bpolasaí pasfhocail seo a leanas:

a. Ní mór dó a bheith 12 charachtar ar fad, ar a laghad

b. Ba cheart go mbeadh carachtair ann as trí cinn ar a laghad de na tacair charachtair seo a leanas

1. Carachtair cáis íochtair 'a' - 'z'

2. Carachtair cáis uachtair 'A' - 'Z'

3. Uimhreacha '0' - '9'

4. Carachtair speisialta, e.g.!"$%^&*()@

c. Níor cheart dó a bheith mar a chéile leis an ainm úsáideora, bunaithe ar an bhfocal 'pasfhocal', nó bunaithe ar leaganacha de d’ainm féin nó d’ainm úsáideora, dáta breithe, ainmneacha teaghlaigh, ainm an chúrsa, seicheamh eochracha/carachtar, nó focal as an bhfoclóir.

Athshocraigh do Phasfhocal

Má bhíonn aon deacracht agat ag socrú pasfhocal nua, tá tuilleadh tacaíochta le fáil ar an leathanach gréasáin seo.

Comhghairdeas! Má tá céim 1 agus céim 2 curtha i gcrích agat, tá do Chuntas Campais gníomhachtaithe. Ní mór duit, áfach, clárú ar do chúrsa fós.

Seolfar ríomhphost eile chuig do sheoladh ríomhphoist nua Ollscoil na Gaillimhe (an t-ainm úsáideora thuas) go gairid ina dhiaidh sin ina míneofar an chaoi é seo a dhéanamh, agus an líne ábhair Clárúchán Ollscoil na Gaillimhe air.

Faigh rochtain ar do ríomhphost ar Outlook for web trí úsáid a bhaint as do sheoladh ríomhphoist Ollscoil na Gaillimhe nua agus an pasfhocal atá díreach cruthaithe agat. Aimsigh an ríomhphost a sheol an fhoireann Clárúcháin chugat agus lean na treoracha atá ann chun clárú ar do chúrsa.

Seo a leanas d’Uimhir Aitheantais nua a bheidh ag teastáil uait le clárú: [ID FIELD]

Bainfimid úsáid as do sheoladh ríomhphoist Ollscoil na Gaillimhe nua as seo amach mar an príomhbhealach teagmhála leat; bí cinnte, mar sin, go ndéanann tú seiceáil rialta air.

Má tá aon fhadhb agat maidir le do Chuntas Campais Ollscoil na Gaillimhe a ghníomhachtú, nó le do MFA nó do phasfhocal, is féidir leat dul chuig Deasc Freastail na Leabharlainne & IT i bhforhalla Leabharlann Shéamais Uí Argadáin nó teagmháil a dhéanamh leis an Deasc Freastail IT thíos trí rphost a sheoladh chuig: